ವಿಶ್ವರೂಪ ದರ್ಶನ
ಕಳಚುವುದು ಮುಗಿದಿಲ್ಲ,
ಅಳುಕುಗಳು
ಬೆಳಕ ಹುಡುಕುವ ದಾರಿಯಲ್ಲಿ..
ಆಗಾಗ ಜ್ನಾನೋದಯ...
ಮತ್ತಿಷ್ಟು ಎತ್ತರದ ನಿಲುವಿಗೂ
ಅಸ್ಪಷ್ಟ ಭಂಗಿಗೂ ಸಾಮ್ಯತೆಯೇ ಇಲ್ಲ!
ಬೆಳೆದದ್ದು ಬಾನೆತ್ತರಕ್ಕೆ...
ಕಂಡದ್ದು ಅಷ್ಟಿಷ್ಟು
ಪಕ್ಷಿನೋಟಕ್ಕೆ ದಕ್ಕಿದ್ದು
ಎಲ್ಲೋ ಸ್ವಲ್ಪ...
ಕಾಣದ್ದೂ, ಗ್ರಹಿಸದ್ದು,
ತಡವಾಗಿ ತೋರಿದ್ದೇ ಜಾಸ್ತಿ!
ತೋರುವುದಕ್ಕೆ ಇಲ್ಲಿ
ಬಾಕಿಯೇನೂ ಇಲ್ಲ
ನೇರ ನಿಲುವಿಗೂ
ದಿಟ್ಟ ಕಾಯಕ್ಕೂ
ನಾನಾ ಅರ್ಥ,
ತಿಳಿದಷ್ಟೂ ಗೊಂದಲ ಹೆಚ್ಚು!
ಗೋಚರವಷ್ಟೇ ನಿಲುವಲ್ಲ
ಕಂಡಿದ್ದಷ್ಟೇ ಎತ್ತರವಲ್ಲ
ಮತ್ತೆ ಕಳಚಿದಾಗ,
ತೆರೆದು ನಿಂತಾಗ
ಇನ್ನೇನೋ ರೂಪ
ಮತ್ತೊಮ್ಮೆ ಜ್ನಾನೋದಯ!
-KM.
No comments:
Post a Comment