ಮೌನ ಬಂಗಾರ...

ಮಾತು ಕಲಿಯುವ ಮುನ್ನ
ಭಾಷೆ ಮೌನ
ಭಾವವೇ ಪ್ರಧಾನ
ಅಧಿಕ ಆಡುವ ಮೊದಲು
ನೋಡಿದ್ದು, ಕಂಡಿದ್ದು,
ಕಂಡುಕೊಂಡದ್ದೇ ಚೆಂದ...

ಬಡಬಡಿಸಿದ ಸದ್ದು,
ವ್ಯರ್ಥ ತರ್ಕ,
ಮನದ ಬಿಸಿಯ
ಬಸಿದು ಕಟು
ನುಡಿಯಾಡಿದ ಬಳಿಕವೂ
ಮತ್ತೆ ಮೌನವೇ ಮಾತು

ಹೀಗೆ ಬಂದು, ಹಾಗೆ
ಹೋಗುವ ಸಂದೇಶ
ಕಾಲಹರಣ ಕಾಣದ ಸಂವಹನಕ್ಕೂ ಮುನ್ನ
ಬರೆದುದರ ಓದಿದ್ದು
ದೂರದಿಂದ ಕಂಡಿದ್ದು
ಬಳಿಕ ಪ್ರಶಾಂತ ನೆನಪು...

ಕೈಗೆಟಕುವ ಮುನ್ನ
ಅರಿತುಕೊಳ್ಳುವ ಹಿಂದೆ
ಅಂತರದಾಚಿನ ಚಿತ್ರಕ್ಕೆ
ಮಾತಿನ ಗಾಢ ಬಣ್ಣದ
ಲೇಪ ರಾಚಿ
ರೇಖೆಗಳೇ ಮಸುಕು ಮಸುಕು....-KM